म लेख्न चाहन्छु

म लेख्न चाहन्छु केही यस्तो कि सुन्ने मान्छे टक्क रोकियोसउसलाई लागोस "हो, यही त म पनि भन्न चाहन्थेँ!"तर लेखूँ के? मसँग त केवल मेरा छरिएका विचारहरू छन्।ती विचारहरूजसलाई सुल्झाउन बस्यो भने समय नै कम पर्छ,जुन सायद दुनियाँको नजरमा केवल "कविता" बनेर रहिदिनेछन्।मान्छेहरू भन्लान्—अलि गहिरो छ, सायद अलि उदास पनि,तर कसैले त्यो गहिराइमा ओर्लिने कोसिस गर्ने छैन।अब को नै रोकिन्छ र?आजभोलि त सबैलाई केवल गन्तव्य चाहिएको छ,बाटोको थकान र मनको अलमल सुन्ने समय कोसँग छ र?जो आफैं आफ्नै भीडसँग डराइरहेको छ,उसले मेरो यो सन्नाटालाई कसरी बुझ्ला?म लेख्न चाहन्छु,त र अब यी विचारहरूलाई कागजमा उतार्ने आँट को नै गर्ला र।